壹傳媒創辦人黎智英與時事評論員桑普對談，均對美國總統川普可以連任感到樂觀。黎認為，若川普連任，未來一、兩年好大機會承認台灣是主權國家，「對香港前途好緊要、對世界自由都好緊要」。資料照。(圖片來源:Wikipedia/公有領域CC0)
【看中國2020年9月28日訊】壹傳媒創辦人黎智英昨日與時事評論員桑普在「蘋天說地」對談。二人由香港前景，談到移民台灣跟美國大選，兩人均對美國總統川普可以連任感到樂觀。黎認為，若川普連任，未來一、兩年好大機會承認台灣是主權國家，「對香港前途好緊要、對世界自由都好緊要」。香港政治環境急轉直下，不少港人移民到台灣，正在台灣的桑普直言，若如此則港人須摒棄「大香港主義」，並寄語港人要抱持積極樂觀精神，「始終光明會到來，光明終戰勝黑暗。」
據香港《蘋果日報》報導，二人先大談台灣生活，黎智英稱，在台灣生活「係好好地方」，但在台灣工作是「另一件事」，但認為台灣工作環境將慢慢變好，「因為美國對（台灣）支持好……國安條件好啲，依家台灣投資多咗，搵嘢做都會好咗。」
不過，桑普直言，港人移民台灣後，每月的薪金將大減，但日常生活如住屋等開支會比在港生活便宜，「台灣一個便當約90蚊台幣（約24港元），大家樂食飯都要40蚊港紙」。住屋方面，在台北租住一個大約1,000呎的單位，每月租金大約3.5萬台幣，約9,500港元。
桑普還說，台灣面對國際舞台需克服鄉縣文化，「要做破框嘅嘢佢哋唔會，但香港人會執生、食腦、去冒險……台灣未必有咁樣精神，而且好多時會做爛好人……生意頭腦冇香港（人），台灣講人情關係。」
桑普又指，作為律師及政治評論員，計劃和志同道合的人士成立在台港人同鄉會，「結聚一班同道在台港人，有冇同鄉會組織。」他又稱，相信台灣政府一直有協助在台港人，「台灣政府講得好少，做得比較多，我見識到好多人有書讀、有嘢做，台灣政府係咪要打鑼打鼓講出嚟？」
北京僅靠嚇 難向台灣動武
不過，外界有意見認為「今日香港、明日台灣」，北京會對台動武。桑普直言，「大家都知道老共係嚇人……共產黨嚇咗呢嗰地方70幾年，加上美國一定會幫台灣」。黎智英亦認為，「中共軍力同美國比……係狗同牛比，爭好遠。」他又認為，北京不會與美國開戰，「真係要打，美國十零廿日可以隊冧你。」
黎智英又指，英國給予言論自由、香港法治、新聞及宗教自由等，「香港人咁自由，拜英國當時畀我哋法治、產權、言論自由、新聞、宗教自由，所有自由機制係一路生活中係氧氣一樣，一路習慣咗呢啲自由。」
對於香港仍需經歷多久的黑暗時代，桑普表示自己沒有水晶球，寄語港人要抱持著積極樂觀精神，「悲觀係短期，因為睇到今年、下年，佢對好多人大搜捕、好多鎮壓，甚至對傳媒開刀，係現在進行式，但唔需要擔心，去到呢個位，行呢條路係啱，始終光明會到來，光明終戰勝黑暗。」
黎智英：武漢肺炎讓全世界另眼相看台灣
黎智英認為，「今次嗰個武肺係另一個珍珠港事件，對世界嚟講，突然間個世界對中共認識，使到佢哋突然間對一個唔同價值觀，所謂意識形態，對自由世界同生活嗰個要脅，係帶動整個西方政治嘅改變，而呢個改變係使到好多人對台灣另眼相看，支持台灣。」
黎智英還強調，台灣國際化大潮流已開始，「美國好明顯要返亞洲，亞洲是將來美國最大市場，亞洲亦係整個世界將來最活躍政治地區，因為有中國(共)存在，所有亞洲國家都需要美國存在去畀佢哋有種安全感，美國冇辦法不利用亞洲作為最大嘅政治地區，去作為國際政治運動嘅一個力量。」
黎智英：川普倘連任 2年內或承認台灣主權
關於美國下月大選，黎智英認為，若川普連任，未來一、兩年好大機會承認台灣是主權國家，「香港人最後可能唔使咁腳軟……對香港前途好緊要、對世界自由都好緊要」。
黎智英在「蘋天說地」上笑言自己不是讀書材料，「我讀到五年級冇讀書……我完全入唔到腦，先生講嘢……但我由細到大都好鍾意睇書」，向狀元桑普請教讀書及育兒心得。桑普直說，求學首先要有求知精神，對於事情有興趣，做事亦要專注及專心，與發掘小朋友的興趣，「唔好一味咁迫」。
黎智英亦分享做人最基本三件事，包含人生要有中心、需懂得謙虛及反省，「永遠提醒自己會錯」，以及做事不要計較利益得失，「唔好諗住做嘢永遠益自己，做嘢要做到嗰件事，而唔好諗件事對我利益有幾多……咁樣諗就算成功咗都唔會快樂。」
